Årsmøte i Ringebu Historielag

RINGEBU HISTORIELAG
INNKALLING TIL ÅRSMØTE

TORSDAG 3. APRIL PÅ SØR-FÅVANG GRENDEHUS

Av praktiske årsakar (servering og bordplassar) ønskjer vi påmelding til møtet, helst
innan torsdag 27.mars. Påmelding til Vigdis Vollan tlf. 93456684 eller e-post:
vigdis.vollan.64@gmail.com

Saker utanom årsmøtesaker må vera komne inn til styret innan 27. mars.

Saksliste:

  1. Åpning, velkome til møtet.
  2. Godkjenning av innkalling og saksliste.
  3. Val av møteleiar
  4. Årsmelding
  5. Rekneskap
  6. Innkomne saker
  7. Val
  8. Arbeidsplan
  9. Fagleg innslag om skogsdrift før i tida.
  10. Musikk og sang ved Strandklang

Handlingsplan for 2025:

  • Halde igang med bøkene Hemgrenda og Ringebu Heim og Folk
  • Halde i gang innsamling av muntlege minne
  • Halde i gang arbeidet med billedregistreringa
  • Prøve å få til kurs/kveldsseto om aktuelle tema samt arrangement og turar
  • Halde varmt arbeidet med nytt lokale for skulesamlinga
  • Svare på spørsmål om slekt og elles handtere dei spørsmåla som kjem

Venabygd 17.03.2025

Årsmelding for meldingsåret 2024

Årsmøtet var på Ungly grendehus, Losna, onsdag 6. mars med 40
frammøtte. I tillegg til vanlege årsmøtesaker og val var det
kulturelt innslag med Tina Lie som fortalde om korleis ho, som
byjente, ofte var på besøk hos slektningar i bygda og korleis ho etter
kvart fløtte hit og bl.a. fekk ymse verv i skule- og kultursektoren.
Attåt dette song ho viser, til akkompagnement av Jon Anders Narum.

Etter årsmøtet har styret hatt denne samansetjinga:
Leiar: Bertil Jordbruen
Nestleiar: Gunny Beate Segelstad
Kasserar: Bjørg Avlestuen
Sekretær: Øystein Myhre
Styremedlemar: Helge Rudihagen, Vigdis Vollan

Varamedlemar:

Siri Korsbøen Haugstad,
Arnt Rune Solbakken,
Rune Haugstulen

Revisor: Ann Merete Hallum

Valkomite:

Rune Edvard Bjørgerønningen (leiar),
Runar Stenumgård,
Kjell Arne Borgedal

Vara til valkomite: Torbjørn Torgersen

Rekneskapen er ført av Snøhetta regnskap v/ Roald Smestad og gjeld for
kalenderåret 2024.

Årsmeldinga følgjer og kalenderåret. Det var kalla inn til 11
styremøte, 80 saker behandla. Medlemstalet var ved utgangen av året
671 inkludert 8 æresmedlemar. Dette er meldt til Landslaget for
lokalhistorie.

Arbeidsgrupper/aktivitetar i laget:

  1. Slektsgransking. Wenke Horten og Ole Jon Moastuen hjelper dei
    som henvender seg frå inn- og utland for å finne slekt og
    slektsrøter. Det er og andre som hjelper til.
  2. Bildegruppe. Gruppa har bestått av Knut Olafsen (leiar),
    Gudveig Hjelle, Gudbrand Berg, Hans Tore Seielstad og Rune
    E. Bjørgerønningen. Dei har hatt meir enn 45 møtedager á 3 timar.
    Det er registrert til saman 9735 bilde. Av desse er 5600 lagt på
    PRIMUS. Ellers i arkivet er det 10-12 tusen bilder som ikkje er
    registrert.
  3. Hemgrenda. Boknemnd: I tillegg til redaktørane, Åge Knuts og
    Jon Ødegård, har nemnda vore samansett slik: Ola Hauge, Atle
    Aarnes, Torveig Dahl, Anne Berit Skogvang. Leiar i laget er og
    med. I meldingsåret gjekk Atle Aarnes ut, og inn kom Gunny Beate
    Segelstad. Stofftilfanget har vore bra.
  4. Ringebu - Heim og folk Nord-Fåvang. Forfattarar er Halvor
    Aaby, Ole Jon Moastuen og Ivar Nordberg. Ein nemner her at Halvor
    Aaby gjekk bort i 2023 etter ei tids sjukdom. Han har leita fram
    mye av det eldste stoffet. Mammut Reklame har tatt på seg å
    redigere boka. Elles er nemnda for sjuande boka, Bind 6
    Nord-Fåvang, slik: Åge Knuts, Terje Tromsnes, Anna Mjogdalen, Ola
    Hauge (kart), Rolf Bråstad, Jon Ødegård, Knut Olafsen (bilde),
    Oddleiv Ringlund og Ivar Nordberg. I meldingsåret er Torveig Dahl
    kome til. Halldis Myhre Tvete og Olaug Widme er korrekturlesarar.
  5. Ringebu heim og folk – Baksida (Søre/Midtre Strand).
    Forfattarar er Aage Lesjø og Halvor Aaby (for Aaby, sjå pkt. 4).
    Elles er boknemnda samansett slik: Jon Ødegård, Ola Hauge, Knut
    Olafsen, Gudrun Sylte, Atle Aarnes, Halldis Myhre Tvete og Olaug
    Widme, dei to siste som korrekturlesarar. Det er samla inn mye
    stoff, og det synest som framdrifta av skrivearbeidet er god.
  6. Gotisk-lesing. Eit kurs i gotisk vart halde i 2022/2023. Det
    har ikkje vore oppfølging eller aktivitet i meldingsåret.
  7. Innsamling av munnlege minne. Arbeidet starta opp i 2022. I
    meldingsåret er det gjennomført intervjuopptak med Åse Haugen
    (Venabygd). Halldis Myhre Tvete, Bertil Jordbruen og Tom Willy
    Rustad var ansvarlege for det arbeidet.

Ferdigstilte bøker

Hemgrenda kom i oktober. Boka er på 160 sider, inkludert årsmeldinga.
Trykkeri 07 i Aurskog stod for trykking/innbinding. Opplag 1300.
Prisen er på kr 240 for medlemar og kr 280 for ikkje-medlemar.
Pakking og utsending til abonnentar 15. november kl. 16 i Kaupanger.
Salskorpset var invitert til kl. 18 til bevertning, og orientering frå
redaktøren, utdeling av bøker. Boka er selt av det lokale salskorpset
som dekker alle delar av bygda, men er og til sals i lokal bokhandel
og på Lillehammer. Boka sel bra.

Turar

For medlemmer vart det planlagt tur til Tønsberg. Det vart for få
påmeldte, slik at turen vart ikkje gjennomført.

Det var planlagt ei markvandring i Sør-Fåvang, tema “gamle vegar”. På
grunn av mye nedbør - blaut skogbotn – vart dette ikkje gjennomført.

Opplegg for tillitsvalde

Som ei påskjønning for innsatsen for historielaget plar alle
tillitsvalde (“arbeidsfolket”) bli invitert til sosialt samvær og
kulturelt innslag. I meldingsåret har vi ikkje hatt slik samling, men
det blir arrangert tidleg på året 2025.

Kulturarrangement, andre aktivitetar:

  • 24. januar vart det halde eit skriveseminar på Hundorp, som eit
    samarbeid mellom historielaga i Fron og Ringebu. Det var retta
    mest mot dei som skriv, eller vil skrive, artiklar til årbøkene
    våre. Torveig Dahl heldt innlegg med praktiske råd og tips for
    skrivearbeid. Seminaret samla drygt 30 deltakarar. Frå vårt styre
    deltok Bertil.

  • 15. juni deltok vi på Fåvangdågån med bra sal av bøker.

  • 30. august, som del av 125-årsmarkeringa for Vålebru, var det ei
    historisk vandring i Vålebrua, ved Torveig Dahl og Jon Ødegård.

  • 31. august, i høve 125-årsmarkeringa, hadde vi fotoutstilling i
    Kaupanger. Over 90 gamle fotografi synte litt av utviklinga i
    Vålebrua. Utstillinga var ope for alle og vart godt besøkt.

  • 12. september i Innovasjonssenteret/Biblioteket: Foredrag ved Jon
    Ødegård om utviklinga av Vålebrua, med hovudvekt på sentrale
    personar som grunnla og bygde opp handels- og forretningsliv,
    industriverksemd, bokhandel, trykkeri og ymse kulturliv – etter
    kvart ein heil liten landsby. Det var drygt 100 frammøtte. Enkel
    bevertning med kaker og kaffe.

  • 21. september deltok vi på Fårikålfestival på Fåvang med sal av bøker.

Representasjon:

  • Gudbrandsdalsseminaret på Maihaugen 19. mars, tema 2. verdskrig.

  • Årsmøtet i Gudbrandsdal Historielag Dølaringen i Skjåk 21. april.
    (repr.: Jon Ødegård, Helge Rudihagen, Olaug Widme og Bertil
    Jordbruen).

  • Gudbrandsdal Slektshistorielag sitt møte i Gausdal 5. oktober, der
    stadnamn med muleg tilknytning til finnekultur/finneinnvandring var
    hovudtema. Frå vårt historielag møtte Jon Ødegård, Gunny Beate
    Segelstad og Hans Tore Seielstad.

Anna

Heimesida er laga av Knut Forkalsrud. Han er og administrator. Gunny
Beate Segelstad frå styret gjer og nødvendige endringar på sida.

Økonomisk situasjon

God. Viser ellers til rekneskapen som vert lagt fram på møtet.

Styret takkar alle tillitsvalde og medlemar for godt samarbeid i året
som gjekk.

Venabygd, 17. mars 2025 Bertil Jordbruen