Årsmelding 2025

Årsmøtet

Årsmøtet var på Sør-Fåvang grendehus torsdag 3. april med ca. 40 frammøtte. I
tillegg til vanlege årsmøtesaker og val var det kulturelt innslag med Runar
Stenumgard som synte film om gamaldags skogsdrift, og John Borgenesset som synte
fram gamal skogsredskap. Musikkinnslag var ved Strandklang.

Styret, med rekneskap og årsmelding

Etter årsmøtet har styret vore samansett slik:

Bertil Jordbruen (leiar)
Gunny Beate Segelstad (nestleiar)
Bjørg Avlestuen (kasserar)
Øystein Myhre (sekretær)
Vigdis Vollan og Rolf Ivar Jordbruen (styremedlemar)
Varamedlemar: Siri Korsbøen Haugstad, Arnt Rune Solbakken og Rune Haugstulen
Revisor: Ann Merete Hallum
Valkomite: Kjell Arne Borgedal (leiar), Ole Jon Moastuen, Runar Stenumgård
Vara til valkomite: Torbjørn Torgersen (døydde i 2025)

Rekneskapen er ført av Snøhetta regnskap avd. Ringebu og gjeld for
kalenderåret 2025. Den økonomiske situasjonen er god. Viser ellers
til rekneskapen som blir lagt fram på møtet. Det var eit stort arbeid
med ferdigstilling av Nord-Fåvangboka. Årsmeldinga følgjer og
kalenderåret. Det var kalla inn til 11 styremøte, 86 saker behandla.
Medlemstalet var ved utgangen av året ca. 670 inkludert 8
æresmedlemar. Dette er meldt til Landslaget for lokalhistorie.

Arbeidsgrupper/aktivitetar i laget:

  1. Slektsgransking. Wenke Horten og Ole Jon Moastuen har hjelpt
    dei som henvender seg frå inn- og utland for å finne slekt og
    slektsrøter. Det er og andre som hjelper til.

  2. Bildegruppe. Gruppa har bestått av Knut Olafsen (leiar),
    Gudveig Hjelle, Gudbrand Berg, Hans Tore Seielstad og Rune
    E. Bjørgerønningen. Dei har i meldingsåret hatt 42 møtedagar á 3
    timar, det er i alt 630 timeverk. I tillegg kjem 440 timar arbeid
    på heimekontor. Det er registrert 1237 bilder i 2025, totalt 10677
    bilder. Av desse er ca. 6000 digitalisert og arkivert på digitalt
    museum. Ellers i arkivet er det drygt 10 tusen bilder som ikkje er
    registrert. Bildegruppa fekk i 2025 Ringebu kommune sin kulturpris
    for arbeidet sitt. Dette markerte kommuna med ei tilstelning på
    Tromsvang 7. november.

  3. Hemgrenda:. Boka kom i oktober og er på 176 sider, inkludert
    årsmeldinga. Aksell i Aurskog stod for trykking/innbinding.
    Opplag 1300. Prisen er kr 240 for medlemar og kr 290 for
    ikkje-medlemar. Pakking og utsending til abonnentar 12. november
    kl. 16 i Kaupanger. Det lokale salskorpset var invitert til kl. 18
    til bevertning, og orientering frå redaktørane, samt utdeling av
    bøker. Salskorpset dekker alle delar av bygda, men boka er og til
    sals i lokal bokhandel og på Lillehammer. Boka sel bra. I tillegg
    til redaktørane, Åge Knuts og Jon Ødegård, har boknemnda vore slik:
    Ola Hauge, Torveig Dahl, Anne Berit Skogvang, Gunny Beate Segelstad
    og Olaug Widme. Leiar i laget er og med.

  4. Ringebu - Heim og folk bind 6 Nord-Fåvang: Boka vart sendt til
    trykking seinhaustes og levert til oss i januar 2026. Forfattarar
    er Halvor Aaby, Anna Mjogdalen, Åge Knuts, Ivar Nordberg, Ole Jon
    Moastuen, Oddleiv Ringlund og Torveig Dahl. Aaby gjekk bort i
    2023, men hadde leita fram mye av det eldste stoffet. Mammut
    Reklame v/Arild Hagen har redigert boka og sendt den til
    trykking/innbinding. Utanom forfattarane har desse delteke i
    boknemnda: Terje Tromsnes, Ola Hauge (kart), Rolf Bråstad, Jon
    Ødegård, Knut Olafsen (bilder). Halldis Myhre Tvete og Olaug Widme
    har vore korrekturlesarar.

  5. Ringebu - Heim og folk – Søre/Midtre Strand: Arbeidet med er
    kome langt, og forventa ferdig sommaren 2026. Forfattarar er Aage
    Lesjø og Halvor Aaby (for Aaby, sjå pkt. 4). Elles er boknemnda
    samansett slik: Jon Ødegård, Ola Hauge, Knut Olafsen, Gudrun Sylte,
    Atle Aarnes, Halldis Myhre Tvete og Olaug Widme, dei to siste som
    korrekturlesarar.

  6. Innsamling av stadnamn: Innsamling av gamle, og nåverande,
    lokale namn i fjellområda i kommunen, med evt. tilhøyrande
    historier, sagn etc. Arbeidet er såvidt starta opp, med
    undersøking av korleis dei kan dokumenterast og presenterast
    (koordinatfesting, kartløysing mv.)

  7. Dagfinn Skre: Arbeid med publisering av bok om utgravingane ved
    stavkyrkja på 1980-talet. Dagfinn Skre var arkeologisk ansvarleg
    og skreiv ei innberetning som ikkje har vore publisert hittil.
    Resultata frå utgravingane gir mye ny kunnskap om den eldste tida
    for stavkyrkja. Frå historielaget deltek Bertil Jordbruen, Ivar
    Nordberg og Torveig Dahl i bokarbeidet, i samarbeid med Dagfinn
    Skre. Det er forventa ferdig i 2026.

  8. Markvandring: Den 31. august hadde vi markvandring i
    setergrenda ved Skotten. Det var 49 deltakarar, medrekna
    omvisarane (Gudveig Hjelle, Arnlaug Steen og Oddvar Aasheim). Det
    inkluderte også eit opplegg for dei som ikkje kunne gå, der
    Torbjørn Kaus stilte hytta til disposisjon og fortalde om
    setergrenda og svara på spørsmål. Etter vandringa kunne dei som
    ville, kjøpe mat og drikke på seterhotellet på Skotten. Det var
    eit vellykka arrangement.

Opplegg for tillitsvalde

Som påskjønning for innsatsen for historielaget plar dei tillitsvalde
(arbeidsgruppene) bli invitert til sosialt samvær. I meldingsåret
hadde vi slik samling i februar, på Arnemoen gard, der ca. 35 deltok.
Fagleg innslag var ved Knut Aastad Bråten som orienterte om
Gudbrandsdalsmusea. Musikkinnslag ved Jan Erik Voldsrud og Frode
Finstad.

Andre aktivitetar, representasjon, kulturarrangement mv.

20. mars: Gudbrandsdalsseminaret på Otta Kulturhus, tema
bl.a. «utvandring og innvandring – før og idag». Frå historielaget
deltok desse: Torveig Dahl, Olaug Widme, Åge Knuts, Jon Ødegård, Helge
Rudihagen, Bertil Jordbruen.

4. mai: Ringebu Historielag var vertskap for årsmøtet i Gudbrandsdal
Historielag Dølaringen som vart halde i prestegarden. Som fagleg
innslag frå vår side orienterte Torveig Dahl om stavkyrkja og
prestegarden. Møtet vart elles leia av formannen i Dølaringen,
Sæbjørn Forberg.

14. juni: Vi deltok på Fåvangdågån med bra sal av bøker.

Fortløpande: Historielaget har sendt ut invitasjon til medlemane om
ymse kulturarrangement, utstillingar mv. som blir halde lokalt. Dette
gjer vi på vegne av samarbeidspartner, stiftelsen Ringebu Prestegard.
Dei fleste slike arrangement blir halde i prestegarden.

Heimeside

Heimesida er laga av Knut Forkalsrud. Han er og administrator. Gunny Beate
Segelstad frå styret gjer og nødvendige endringar på sida.

Styret takkar alle tillitsvalde og medlemar for godt samarbeid i året som gjekk.

Venabygd, 4. mars 2026
Bertil Jordbruen